РУСКИ КЕРЕСТУР – У доме Якима Планчака, на Буджаку, всоботу ше отримали прадки на хтори ше традицийно сходза дакедишнї члени Церковного одбору катедралней церкви св. оца Миколая.
Прешлей соботи, єден з членох Йоаким Чизмар Русов запрагнул свойо конї до фиякеру на хторим на прадки привезол супруги одборцох, хлопи пририхтали вечеру, а жени сладки заєданя.
Гоч им мандат одборцох вишол уж вецей як дзешец роки, по нєшка зачували сходзеня зоз своїма супругами нє лєм на жимски прадки, алє и з нагодох именого дня, або даяких других значних датумох.