РУСКИ КЕРЕСТУР – У Основней школи „Петро Кузмякˮ вчера отримана друга психолоґийна роботня школяром седмей класи хтору отримала психолоґ и музичар Даворка Боснич зоз Заводу за явне здравє у Зомборе. То була друга роботня, а шлїдуюцого тижня, буду ище два за осму класу.
Роботня мала интересантни психолоґийни приступ ґу теми превенциї наркоманиї понеже, як виявела Босничова, емоционална дозретосц особи найлєпша превенция шицких зависносцох, та и од психоактивних субстанцох.
Школяре седмого б оддзелєня зоз свою класну Лидию Пашо исту роботню мали дзень пред тим и барз активно и з интересованьом у нєй участвовали.
Подобни роботнї Босничова отримує у тим школским року у шицких школох Заходнобачкого округу возросту 7. и 8. класи основней школи и 1. класи штредньошколцох.
