ШИД – На инициятиву предсидателя Општини Шид Предраґа Вуковича, у шидскей општини будзе звекшана безпечносц гражданох после вецей инцидентних ситуацийох у хторих участвовали миґранти змесцени у тей општини. Општину Шид прето прешлого тижня нащивел и министер полициї Небойша Стефанович, пише портал Општини Шид.
Як гварел министер Стефанович, жителє у шидскей општини буду абсолутно защицени.
На подручу тей општини тераз єст вецей 1 500 миґрантох, а кед же превжати мири нє даю резултати, локална самоуправа будзе вигац вимесцованє прилапююцого центру хтори ше находзи у самим Шидзе.