НОВИ САД – Новосадска власц по 2021. рок планує назберац 7,6 милиярди динари за орґанизованє манифестациї „Европска престолнїца култури 2021. року”, предложене у одлуки хтора нєшка пред одборнїками Скупштини Городу Нови Сад.
Як дознава 021, предложене же з пенєжом за тоту намену будзе розполагац фондация хтора би мала буц основана у рамикох Културного центру Нови Сад.
Найвекши приход, коло 28 милиони еври, би мал буц з Городу Нови Сад. Плановане же ше 16 милиони еври достанє од Републики и Покраїни, потим 5 милиони од Европскей униї, 12 милиони од приватних спонзорох, а ище 6 милиони з других жридлох, пише 021.
Як констатоване, пенєж хтори будзе потрошени на спомнуту манифестацию наисце вельке укладанє, понеже 7,6 милиярди динари то коло трецина рочного городского буджету.