НОВИ САД – Покраїнска влада пияток, 12. децембра, утвердзела Предлог буджету АП Войводини, хтори виноши вецей як 62 милиярди 331 милион динари и прешлїдзела го Скупштини АПВ на прилапйованє.
Предложени буджет за 2015. рок менши за 2,3 милиярди динари у одношеню на буджет за 2014. рок, цо пошлїдок применьованя Закону о зменшованю заробку, наводзи ше у сообщеню Влади Войводини.
За 2015. рок плановани и капитални инвестициї, унапредзенє привредного амбиєнту, финансованє мирох и активносцох за поспишенє обезпечованя роботи, а за спомнуте плановане видвоїц вецей як 15 милиярди еври.
Пре ускладзованє з предписнями, Покраїнска влада утвердзела предкладанє же би ше Фонд за капитални укладаня АП Войводини трансформовало до Управи за капитални укладаня АП Войводини, хтора директни хаснователь средствох з буджету.