У 27. тогорочним чишлє „Руского слова” у рубрики „Тижньовнїк” звити о нащивох представительох Националного совиту Руснацох своїм подручним канцеларийом у Новим Садзе и Дюрдьове, дзе бешедоване як мож унапредзиц активносци Руснацох у тих штредкох.
„Тижньовнїк” и далєй провадзи процес приватизациї локалних медийох у наших штредкох. Затераз ше зна же за кулске и шидске инфомативне подприємство розписани поволанки за приватизацию, а вербаски медий найскорей идзе до ликвидациї.
Наша тема у тим чишлє „Тижньовнїка” пошвецена специфичней ситуациї у Дюрдьове дзе два християнски заєднїци – православна и грекокатолїцка, кажда маю каплїчку за хованя на своїм теметове.