КУЛА – Представа Драмского студия АРТ Дому култури Руски Керестур „Сезона лову на ловара” Олександра Витера, у режиї Владимира Надя Ачима, освоєла треце место на Седмим Войводянским младежским театралним фестивалє, хтори всоботу, 7. мая, отримани у Кули.
Як дознава Рутенпрес, перше место освоєла представа„Алетернативни професоре”, по тексту и у режиї Предраґа Ковачевича, а у продукциї Драмскей секциї Штреднєй технїчней школи „Никола Тесла” зоз Сримскей Митровици, а друге место представа „Портрет малиґней клїтинки” автора и режисера Цветина Аничича, у продукциї Театру „Бранислав Нушич” зоз Шиду.
Войводянски младежски театрални фестивал у сали Културного центру Кула отримани єден дзень, так же бул наволани и „Младежски театрални маратон”, а участвовали пейц драмски витвореня – два зоз зоз Сримскей Митровици (дзе єдна копродукцийна з Мачванску Митровицу), Шиду, Руского Керестура и Ковину.
Войводянски младежски театрални фестивал орґанизовали Союз аматерох Войводини, Културно-просвитна заєднїца Општини Кула и Културни центер Кула, а под покровительством Општини Кула.