ШИД – На конференциї за новинарох вчера у Шидзе представена лїстина за покраїнски виберанки „Союз за лєпшу Войводину” Социялдемократскей странки (СДС) и Либерално демократскей партиї (ЛДП), а хтора за покраїнски виберанки под числом осем.
На представяню бешедовали предсидателька Покраїнского одбору СДС и перша на спомнутей лїстини проф. др Урания Козмидис Лубурич, котра гварела же ше тота лїстина заклада за уставни пременки у Сербиї и Войводини, з хторима би Войводина достала векши компетентносци.
Кандидат за покраїнского посланїка Ґоран Йович зоз Старей Пазови гварел же ше муши зачувац и унапредзовац права националних меншинох у Войводини и же добре ришенє же меншини свойо фундаментални права витворюю прейґ националних совитох.
Кандидат за покраїнского посланїка зоз Шиду Желько Брестовачки наглашел же тота коалиция жада звекшац субвенциї у польопривреди и дац векши акцент на розвой польопривреди и валалу.