Представени „Польопривреднїков польопривредни календар за 2016. рок”

автор апа; фото: вев
1.1k Опатрене

НОВИ САД – Вчера, 1. априла, у будинку „Дневнику” у Новим Садзе отримана промоция кнїжки „Польопривреднїков польопривредни календар за 2016. рок”.  У нїжки-алманаху тексти подписую 200 еминентни авторе, углавним професоре на Польопривредним факултету у Новим Садзе, котри ошвицели польопривредну проблематику у 35 тематских обласцох.

Директорка „Польопривреднику” др Ґордана Радович з тей нагоди наглашела же то перши таки сход у тим року понеже „Польопривредник” того року означує ювилей – 60 роки друкованя, так же до конца рока буду отримани вецей округли столи.

На тим округлим столє-промоциї бешедовали др Радован Пеянович о розвою польопривреди, др Мирослав Малешевич о феномену високих урожаю, др Жарко Илин о розвою заградкарства, др Зоран Кесерович о розвою овоцарства, др Желько Деспотович о соларней енерґиї у польопривреди, др Владан Боґданович о климатских пременкох у статкарскей продукциї, др Анка Попович Вранєш о укладаню до малих погонох за преробок млєка и др Ґордана Радович о руралним туризме у функциї руралного розвою.

Календар мож купиц и прейґ сайту www.poljoprivrednik.net/kalendar-pretplata.

ПОВЯЗАНИ ТЕКСТИ