Представени славянски матки у Сербиї

автор апал
1.1k Опатрене

НОВИ САД – У Матици сербскей вчера, 10. марца, було стретнуце на хторим ше представели славянски матки зоз шедзиском у Сербиї. На тот завод представели ше матки Словацох, Русинох и Бунєвцох.

Представнїкох маткох привитал професор др Драґан Станич и здогаднул же Матица сербска од снованя 1826. року уважовала културни и национални идентитет других, а пошвидко постала приклад и другим славянским народом зоз хторима вше и сотрудзовала.

Руску матку представел єй предсидатель Дюра Папуґа, а окрем нього бешедовали и Миломир Шайтош, заменїк предсидателя и проф. др Михайло Фейса, портпарол. Матку Словацох у Сербиї представела Катарина Мелеґова Мелихова, предсидателька и Ана Медведьова, предсидателька Просвитней комисиї, а Матку Бунєвцох представел Иван Седлак, предсидатель, Марко Марянушич и Тамара Бабич, подпредсидателє.

ПОВЯЗАНИ ТЕКСТИ