Представнїки италиянского и нємецкого Каритасу нащивели Шид

автор влдї
1.2k Опатрене

ШИД – Представнїки италиянского и нємецкого Каритасу вчера нащивели Лєтню владическу резиденцию, а у нащиви були Даниеле Бомбарди, спред Каритасу „Италиана”, Тобиас Ноелке спред Каритасу Нємецкей задлужени за миґрантски питаня, як и Елемир Джуджар, координатор Каритасу Апостолского еґзархату за грекокатолїкох у Сербиї и ношитель проєкту, Анита Ґовля, координаторка Каритасу у Новим Садзе и фахова сотруднїца у проєкту и Петар Дуїч, коородинатор Каритасу за Срим.

Владическа конференция Италиї, вєдно з Каритасом Италиї, одобрела средства за обнову будинкох на такволаней миґрантскей драги, медзи хторима и проєкт обнови Лєтнєй владическей резиденциї у Шидзе дзе би после обнови мали пребувац волонтере и особи хтори робя з миґрантами. За тоту намену опредзелєни 87 тисячи евра за ришованє централного зогриваня у резиденциї, ушоренє хижох, кухнї, санитарного ґузла, набавку меблю и друге.

Тиж придати и проєкт, хтори ше хвильково розпатра, о ушореню Пасторалного центру у Бикичу хтори вредни 38 тисячи евра.

Роботи у Шидзе почню такой и мали би буц закончени по новембер того року, а у другей фази, кед же буду одобрени средства, пойд резиденциї би мал буц ушорени до хижох за спанє и меншу салу за рижни потреби.

Представнїки Каритасу обишли просториї резиденциї и прешвечели ше до можлївосцох хтори тот будинок понука.

2-SID POSETA PREDSTAVNIKA KARITASA 02

ПОВЯЗАНИ ТЕКСТИ