ШИД – Вчера, на Вельки штварток, у церкви Преображеня Господнього у Шидзе парох о. Михайло Режак Вечурню зоз Службу Святого Василия Велького служел на 17 годзин, а нєшка, на Вельки пияток, на 17 годзин будзе покладанє плащанїци до Исусового гроба.
На Вельку соботу, Служба Святого Василия Велького з Воскресну утриню тиж будзе на 17 годзин.
На Перши дзень Велькей ноци, на нєдзелю, шветочна Служба Божа з пошвецаньом пасхалного єдзеня будзе на 10 годзин, як и на Други и Треци дзень, а на Други дзень, на пондзелок, на Служби будзе и мированє.
На нєдзелю на 16 годзин у Руским доме будзе отворена вистава подобових роботох дзецох з тему Велькей ноци и отримане змаганє за наймоцнєйшу писанку.