ВЕРБАС – Вовторок, 22. септембра, у КПД „Карпати” отримана схадзка Вивершного одбору (ВО), на хторей розпатрани терашнї финансийни стан, бешедоване о виборе руководителя секциї хтори би бул плацени од Националного совиту Українцох, як и о манифестацийох у предходним и наступним периодзе.
Пред Дружтвом преслава 25-рочнїци снованя, та з тей нагоди будзе орґанизована Шветочна скупштина. На схадзки бешедоване и о других змистох преслави, хтора би мала буц отримана 24. октобра.
Члени ВО Владу Мученския предложа за представителя „Карпатох” до Вивершного одбору Спортских бавискох (СБ) „Яша Баков”, Дружтво потрима и його кандидатуру за идуцого предсидателя СБ, а КПД „Карпати” буду инициятор предкладаня же би уметнїк Владо Няради бул предложени за Награду Општини Вербас