НОВИ САД – Предсидатель Покраїнскей влади Иґор Мирович вчера пред будинком Покраїнскей влади святочно поставел традицийну заставу АП Войводини.
-Од нєшка ознова пирха наша традицийна застава. Чували зме ю децениями и виками у шерцох и пихи тих хтори ше за тот час щиро и чесно борели за Войводину. Най у будучносци, тоти цо приду после нас, знаю же ше за тоту заставу вельо жертвовало и же ми нєшка пишно стоїме под ню. Най традицийна застава Войводини вєдно з нашима другима заставами пишно пирха по Войводини, вше и вшадзи под заставу Републики Сербиї – гварел предсидатель Покраїнскей влади Иґор Мирович.
На святочносци була и пригодна програма, а на єй концу предсидатель Мирович уручел традицийну заставу городоначалнїкови Нового Саду Милошови Вучевичови хтора през дзень була поставена и пред Городску хижу.
Скупштина АП Войводини 15. септембра принєсла Покраїнску скупштинску одлуку о випатрунку и хаснованю символох и традицийних символох АП Войводини. То традицийни герб и застава хтори ше буду класц ґу постояцей застави Войводини и застави Републики Сербиї.