НОВИ САД – У пейдзешатим тогорочним чишлє новинох „Руске слово”, попри звиту зоз другей схадзки Националного совиту Руснацох, рубрика „Тижньовнїк” пише и о терашнїм стану у кулским ИПЦ „Кула”, хтори пред другу приватизацию.
„Нашо места” зазначели як прешла обука за здобуванє схопносцох за обезпечованє роботи у Кули, а на боку „Економия” текст о централним пошореню за преробок одрутних водох у Вербаше.
„Култура и просвита” информує о Културней манифестациї „Днї Миколи М. Кочиша” и Фестивалє малих сценских формох ”Дюра Папгаргаї”, док рубрика „Людзе, роки, живот” пише о проблему малого числа дзецох у оводох и школох.
„Духовни живот” у знаку швета св. Миколая у Руским Керестуре и Петровцох, ту и вистки з наших парохийох, а „Мозаїк” зазначел атмосферу на Литературни вечаре младих у Дюрдьове.
„Спорт” пише о змаганю у столним тенису у рамикох СБ „Яша Баков” у Дюрдьове, а „Треци полчас” представя рукометаша з Коцура Миколу Стрибера.
У тим чишлє „Руске” почина обявйовац и нову гумористичну рубрику – „Медзипростор за кафу и виключеня”, хтора будзе виходзиц раз мешачно як и други додатки, а „Дикица” будзе виходзиц у своєй жридловей форми и з препознатлївим гумором.