НОВИ САД – У тогорочним шеснастим чишлє новинох „Руске слово” рубрика „Тижньовнїк“ пише о трох сходох вязаних за защиту и унапредзованє правох националних меншинох, а на „Наших местох” новини пишу о надополнєню за одводньованє, хторе тих дньох велїм сцигло на наплату.
У тей рубрики зазначене и як означени особни ювилеї коцурского културного дїяча Дюру Макая, ту и вистки о еколоґийних акцийох орґанизованих прешлого тижня, док „Економия” пише о трибини за польопривреднїкох у Вербаше и о Сайме гортикултури у Ґосподїнцох.
На бокох рубрики „Култура и просвита” мож пречитац о представох хтори дотераз виведзени на 47. Драмским мемориялє Петра Ризнича Дядї у Руским Керестуре, ту и звити з Културней манифестациї „Яр Мафтея Виная” у Суботици и зоз Семинару за руских просвитних роботнїкох у Вербаше.
„Духовни живот” пише о монашским живоце, док рубрика „Людзе, роки, живот” читачох упознава з Владимиром Павловичом, колекционером з Нового Саду. Ту и шесте предлуженє фельтону о двох рочнїцох нашей Установи.
Попри зазначених резултатох фодбалских клубох з наших местох, „Спорт” пише о фодбалерови Драженови Арвайови з Вербасу, а як додаток вишло „Литературне слово”.