НОВИ САД – У тогорочним трицец шестим чишлє новинох „Руске слово” рубрика „Тижньовнїк” пише о ИПЦ Кула после приватизованя, та о цени наднїцох у наших местох, док рубрика „Нашо места” приноши актуалносци зоз Шиду, Миклошевцох, Коцура и Вербасу, а як тему обрабя памятнїк култури у Дюрдьове – „Руску школу”.
„Економия” пише о тлачидби сої, а окремену увагу пошвецела сезони обераня паприґи.
Боки рубрики „Култура и просвити” звекшого пошвецени Фестивалу тамбурових оркестрох „Мелодиї руского двору” у Шидзе, а ту и напис о пестованю хорского шпиваня у Вербаше.
„Людзе, рок, живот” пишу о попреплєтаних судьбох Ани Ходаковей и Мариї Новаковей з Коцура, а читачох упознаю и з малженску пару Бесерменї з Вуковару. Рубрика „Мозаїк” у тим чишлє пошвецена означованю дзешец рокох ґрупи „Crazy Cousins” з Руского Керестура.
„Духовни живот” пренєсол атмосферу зоз Школярского дня у Водици, а зазначена и преслава Кирбаю у манастире Исусових малих шестрох у Руским Керестуре.
„Спорт” представя роботу Боди-билдинґ клубу „Максимус” у Дюрдьове и приноши перши резултати фодбалских клубох у новей сезони. Як додаток вишол „Медзипростор за кафу и виключеня”.