НОВИ САД – У тогорочним трицец штвартим чишлє новинох „Руске слово” рубрика „Тижньовнїк” и далєй провадзи новосци коло медийох и активносцох Националного совиту Руснацох, док рубрика „Нашо места” пише о завераню вше вецей дїловних просторох и о початку роботи новей спортско-школскей гали у Руским Керестуре. Ту и напис о стретнуцу седем огньогасних здруженьох у Шайкашу и о других актуалносцох у других местох.
„Економия” пише о системи за провадзенє кнїжководительних податкох на польопривредних ґаздовствох, док рубрика „Култура и просвита” звекшого пише о Фестивалу жридлового шпиваня „Най ше нє забудзе” у Дюрдьове, а мож пречитац и напис о схадзки Активу вихователькох и Активу наставнїкох руского язика у Коцуре.
„Мозаїк” у тим чишлє представя читачом Андреу Орос хтора украшує нохци, а рубрика „Людзе, рок, живот” пише о Олґи Жарковачки зоз Нємецкей хтора после вельо рокох нащивела родими Вербас, а представяме и интересантни живот Тихомира Античевича з Беркасова.
„Духовни живот” зазначел як преславени Кирбай у Шидзе, пише о представяню каритасовей библиотеки у Руским Керестуре и о вистави з нагоди ювилея монахиньох служебнїцох у Коцуре. „Спорт” информує о резултатох на початку змаганьох у новей фодбалскей сезони.
Як додаток вишла „Дом и фамелия” у хторей нове предлуженє „Женоблоґиї”.