Презентация Локалней акцийней ґрупи

автор мар
872 Опатрене

РУСКИ КЕРЕСТУР − Вчера, 9. януара, у просторийох Месней заєднїци Руски Керестур отримана презентация, свойофайтова инициятивна схадзка Локалней акцийней ґрупи (ЛАҐ) општини Кула котра ше реализує у рамикох проєкту „У шерцу Бачкей”, а присуствовали представнїки здруженьох и други заинтересовани гражданє з валалу.

Дїялносц и основни цилї присутним представел менаджер ЛАҐ-и Боян Ковач, а присуствовал и Милош Данилов спред Канцелариї за локални економски розвой општини Кула.

На сходзе бешедоване о потенциялох хаснованя средствох зоз европских фондох, алє и о конкурсох котри ше реализує у нашей держави. Як поведзене, задаток ЛАҐ-и же би коло себе позберала цо векше число гражданох зоз шицких местох општини и дознала за рижни идеї и проєкти дзекуюци котрим би ше застановело висельованє до векших городох.

З оглядом же ЛАҐ-а формално-правно конституована аж концом прешлого року, за тераз нєт можлївосци конкуровац за средства зоз чечуцей буджетней сериї ЕУ котра ше завера 2020. року, алє як потолковане на схадзки, з другого боку ту треба видзиц и потенциял, понеже ше нова буджетна серия отвера 2020. року, а то период покля єст часу пририхтовац проєкти.

ПОВЯЗАНИ ТЕКСТИ