Презентована робота ЯКП „Комуналєц”

автор тах
1k Опатрене

ВЕРБАС – Явне комуналне подприємство (ЯКП) „Комуналєц”, у сотруднїцтве зоз сновательом – Општину Вербас, вовторок, 22. новембра орґанизовало презентацию своєй роботи и резултатох дїялносци витворених за остатнї три роки. Презентация орґанизована за дїловних партнерох того подприємства, як и за представительох локалних самоуправох и других институцийох з околїска, Нового Саду и Беоґраду, пише портал Општини Вербас.

9-Verbas-02

З презентацию була облапена кажда дїловна єдинка ЯКП, представени поцаги менаджменту у напряме модернизованя, а найвецей уваги пошвецене роботи єдинки за подмирйованє з воду, проєктом на жридлє (студньох) водоводу и резултатом новей дїловней политики у тей обласци. За тоту намену знята и документарна репортажа з назву „Дакеди и нєшка”, як кратше огляднуце на роботу ЯКП у остатнїх трох рокох.

Бешедуюци на початку презентациї, предсидатель Општини Вербас Милан Ґлушац гварел же єден з цильох того стретнуца черанє прикладох позитивней пракси, у тим случаю локалней самоуправи, ЯКП „Комуналєц” и Канцелариї за енерґетски менаджмента, пре запровадзованє добрих и преверених стандардох у цалим реґионє, а нє лєм на уровню поєдинєчних општинох, лєбо подприємствох.    

Директор ЯКП „Комуналєц” Радомир Чурович визначел же ше ЯКП пририхтує за  „фазу 2”, хтора подрозумює капиталне укладанє до водоводу, вєдно з нємецку KfW банку, одоносно злучованє шицких местох у општини з фабрику води у Вербаше.

Присутни на презентациї упознати и з роботу Канцелариї за енерґетски менаджмент, а потим нащивели жридло водоводу.

ПОВЯЗАНИ ТЕКСТИ