НОВИ САД – У Новим Садзе вчера отворене представительство Аґенциї „Edymax“ зоз Словацкей, хтора будзе обезпечовац роботу людзом зоз Сербиї. Прейґ тей аґенциї нєзаняти годни достац леґалну роботу у жемох Европскей униї, а окреме у Словацкей.
У Аґенциї визначую же шицки роботнїки буду доставац роботи з леґалним статусом, буду мац дозволу за пребуванє и роботну дозволу у державох ЕУ.
З отвераньом представительства, у Сербиї порушани и портал www.posaoodmah.rs, на хторим заинтересовани можу опатриц понукнуце шлєбодних роботних местох.
Дотераз роботу у других жемох так достали вецей як 80 000 роботнїки, а у цеку и отверанє представительствох у ище шейсц жемох реґиону.