НОВИ САД – Традицийни першомайски ранши вилєт у Новим Садзе почина уж нєшка на поладнє у Каменїцким парку з манифестацию „Ранши вилєт-фест”, на хторей, як наявене, буду грац вецей гард-рок бенди, а на вечар, на 21 годзин наступи позната ґрупа „Дивлє яґоде”.
Програма на ютре з рана и през дзень будзе предлужена з трубачами зоз Шиду, а на централней бини на ютре, 1. мая, наступи и ґрупа „Абсолутно романтично”.
Коло централней бини пририхтани и ушорени места за готовенє єдзеня, як и простор наволани „Етно-шорик”, дзе буду виложени сувенири и продукти старих ремеслох.
За наймладших пририхтани едукативни роботнї у орґанизациї новосадских установох за дзеци и младих и рижних здруженьох.
Нащивительом у Каменїцким парку будзе дошлєбодзене розкладац огень и пририхтовац роштиль на 50 окреме орґанизованих огнїскох, а закуп єдного кошта 400 динари за дзень. Розкладанє огня нєшка и на ютре будзе дошлєбодзене до 19 годзин.