КОЦУР – У Коцуре вчера почало означованє 70-рочнїци колонизациї Сербох з Босни и Герцеґовини до Коцура, а програми буду и нєшка и ютре. Главни орґанизатор преслави Културно-уметнїцке дружтво „Завичајно врело” з Коцура.
Нєшка на 17 годзин почнє дефиле, а на площи опрез Школи наступя фолклорни ансамбли. Ту будзе и змаганє у стародавних спортских бавискох.
На 18 годзин у физкултурней сали будзе отворени етно-стол, подобова вистава и вистава старих фотоґрафийох колонистох, та отримана промоция кнїжки „Длуство старому краю” („Дуг завичају”).
На 19,30 годзин у Доме култури будзе шветочна програма, на хторей, попри домашнїх дружтвох з Коцура – „Завичајно врело”, „ДОК” и „Жатва”, наступя и ансамбли КУД-ох з Ґайдобри, Кляїчева, Младенова, Вербасу, та и з Босней – з Двору на Уни и Враньскей.
На ютре у Доме култури на 19 годзин будзе програма „Здогадованє на Бранка Чопича”, на хторей наступи и Дзецинска ґрупа КУД „Завичајно врело”, а потим ґлумец Ґоран Караїч одбави монодраму „Бог те мазо”, у режиї Тому Курузовича, а у продукциї Народного театру Шабац.