Преславени Кирбай у Лурдескей каплїци

автор маф
789 Опатрене

РУСКИ КЕРЕСТУР – Вчера, на дзень Лурдескей Мариї, у каплїци шестрох служебнїцох на Капущаним шоре хтора єй пошвецена, преславени Кирбай на двох Службох Божих, з Молебенами до Богородици и молитву Ружанца.

Службу Божу на 10 годзин служели домашнї парох о. Михайло Малацко, парох зоз Шиду о. Михайло Режак, парох и капелан зоз Кули о. Дамян Кича ЧСВВ и о. Платон Салак ЧСВВ и домашнї капелан о. Владимир Медєши, док вечаршу Литурґию на 17 годзин служел домашнї капелан о. Михайло Шанта.

У предполадньовей Служби о памяткох на чудене указанє Богородици у Лурду и о нашим одношеню ґу Пречистей Дїви Мариї наказовал о. Салак ЧСВВ, а у вечаршей о. Шанта. Було нагоди и за св. Споведз и Причасц цо велї присутни вихасновали.

У обидвох Службох було красне число вирних, а попри домашнїх, було и паломнїкох з Кули и Коцура, як и шестрох Служебнїцох хтори на тот дзень пришли и з манастирох зоз тих местох.

ПОВЯЗАНИ ТЕКСТИ