РУСКИ КЕРЕСТУР – Вирни парохиї св. оца Миколая вчера преславели швето Рождество пресвятей Богородици, а у манастире Исусових малих шестрох на Циґлашоре преславени и Кирбай їх каплїци.
Кирбайску Службу Божу у Малих шестрох служел домашнї парох о. Михайло Малацко, апостол читал Янко Цап, а парох наказовал о значеню швета з хторим Церква означує народзенє Богородици чия задача була народзиц Исуса Христа спасителя.
Кирбай з Малима шестрами, Мартину и Кристину, преславели велї присутни, окреме старши особи хтори до їх каплїци приходза кажду другу нєдзелю на Службу Божу, присутни були шестри Служебнїци и други приятелє и почитователє Малих шестрох.
