БУДИСАВА/ЗМАЄВО – Вчера, на Яна по юлиянским календаре, у Будисави, филияли грекокатолїцкей парохиї у Новим Садзе, бул Кирбай, а Службу Божу, на хторей було коло 20 вирних, служел парох о. Юлиян Рац. Пред Кирбайску Службу парохиянє ше могли и висповедац, а на Служби причащац и достац полни одпуст.
По Служби на Кирбай у Будисави парохиянє вєдно з парохом о. Рацом, панїматку и дзияком предлужели друженє у Церковней сали.
Кирбай вчера бул и у Змаєве, у филияли нововербаскей парохиї. Службу Божу на 10 годзин служели парох о. Иґор Вовк и о. Роман Кандрач з України, родом Вербащан.
