ШИД – У трецим колє Медзиопштинскей фодбалскей лиґи Срим, ґрупа Заход, Сримец з Беркасова победзел у Ярку тамтейши Сримец з 5:1,а у Бикичу ОФК „Бикич” победзел Ґраничар з Адашевцох 3:0.
Обилич 1993 у Куковцох победзел Ердевик 2017 зоз 3:1, а шидска Єднота страцела на госцованю у Чалми од Слоґи 4:1.
На таблїчки ОФК „Бикич” перши зоз дзевец бодами кельо маю и Обилич 1993 на другим и Сримец(Б) на трецим месце, Ґраничар (А) на шестим месце зоз шейсцома бодами, Ердевик 2017 штернасти без бодох, як и Єднота на остатнїм, шеснастим месце.
У штвартим колє ОФК „Бикич” дочекує Обилич 1993, Ґраничар (А) будзе бавиц процив Сримцу (Б), Єднота дочекує Шлєбоду, а Ердевик 2017 дочекує Слоґу з Чалми.