ДЮРДЬОВ – Стреду, 25. септембра, на главним терену ФК „Бачка“, одбавене першенствене змаганє осмого кола у котрей ше стретли ФК „Бачка 1923“ – ФК „Гайдук“.
Прешвечлїву побиду зоз резултатом 7:0 (3:0) однєсла домашня екипа, ФК „Бачка 1923“, а тоти седем ґоли посцигли: Дюрич М. у 1. и 41. минути, Тривунович Д. у 28. минути, Станкович Р. у 49. минути, Дюрич Ґ. у 60. минути, а Петрович Н. посцигнул два ґоли – єден у 73. минути, а други у 85. минути.
Шлїдуюце стретнуце будзе на нєдзелю, 29. септембара, на хторим ше ФК „Бачка 1923“ стретнє зоз ФК „Славия“. Стретнуце почнє на 15,30 годзин на главним терену ФК „Бачка“.