ДЮРДЬОВ – У грекокатолїцкей парохиї Рождества Пресвятей Богородици у Дюрдьове прешлого року покресцени аж седемнац особи, петнац млади особи и два старши. За тоту парохию прешли и предпрешли рок бул бар удатни, бо пейц роки пред тим було покресцени помедзи пейц и єденац, а у 2017. року покресцени дванац особи.
У 2018. року повинчани три малженски пари, а повинчана єдна малженска пара у котрей обидвойо грекокатолїки. У року пред тим повинчани два пари, цо менєй як предходних рокох.
У дюрдьовскей парохиї прешлого року поховани осемнац особи, док у 2017. року поховани аж трицец, цо найвецей за остатнї пейц роки. Роками пред тим поховани двацец до двацец пейц особи.