КУЛА – Пре реконструкцию Крамеровей улїци у Кули транспорт у узшим центре городу очежани, як и преход пешакох по тей улїци. З локалней самоуправи поволую гражданох же би були осторожни и модля их за порозуменє.
Як преноши Ку-радио ИПЦ Кула, з Општини Кула поведзене же роботи на оправяню Крамеровей улїци иду як плановане, тераз ше поставя канализацию, а роботи очежую постояци поджемни инсталациї хтори нєурисовани до планох. Но, як гваря у локалней самоуправи, и тот проблем ше ришує.