БЕОҐРАД – За менєй як пол рока держава ма цалком „висц” з власнїцкей структури медийох, а таки медиї тераз єст 79. За їх купованє до Аґенциї за приватизацию дотераз сцигли 128 понукнуца.
– Новинаре нє треба же би були цихо и най на даяки способ пробую виратовац свой медий. У процивним, велї з нїх годни остац без роботи, а даєдни медиї можу буц и заварти – гварел предсидатель Нєзависного здруженя новинарох Сербиї (НУНС) Вукашин Обрадович.
Кажде хто купи медий обовязни затримац основну дїялносц ище найменєй пейц роки, а як оценєли у Министерстве привреди, число заинтересованих купцох мале.