Приказани филм о страданю Русинох, мож ше приявиц за вибор найкрасшей Рускинї

автор сен  
1.1k Опатрене

РУСКИ КЕРЕСТУР – Руска матка (РМ) вчера у Руским Керестуре, у сали Месней заєднїци, орґанизовала проєкцию документарного филму „Траґедия Галицкей Руси” автора Алексея Денисова, хтори приказує брутални страданя Русинох у Першей шветовей войни.

Спомнути документарни филм у Сербиї перши раз приказани на тогорочним першим „Русин Филм Фесту” у Шидзе, потим у Новим Садзе и Сримскей Митровици, а плановани и проєкциї у Кули и Вербаше.    

Пред проєкцию филму отримана и схадзка Управного одбору РМ и Редакцийного одбору єй глашнїка „Руснак”, на хторей, медзи иншим, розпатрани звити о числених активносцох Матки у новембру, як и планованє наступних. Єдно з наиходзацих векших збуваньох будзе Рочна скупштина РМ у другей половки фебруара, а ище нє утвердзене дзе будзе отримана.

7-RM-02

Предсидатель РМ Дюра Папуґа на схадзки членох поинформовал и же на Русинским фестивалє у Свиднїку, нарок 27. мая, будзе отримане и змаганє за вибор найкрасшей Русинки-Рускинї. За участвованє на тим змганю можу ше приявиц и млади Рускинї од 18 до 28 роки з наших местох, а приявиц ше мож по конєц фебруара 2017. року до одборох РМ.

Тих дньох вишло и нове, штварте тогорочне число глашнїку „Руснак”, у хторим и окремни додаток – „Кед вам добре, вец нїч” – у хторим обявени особни становиска, коментари и критики Михайла Катону, а часопис и додаток представени на вчерайшей схадзки.

7-RM-03

ПОВЯЗАНИ ТЕКСТИ