ШИД – Општинска рада (ОР) на вчерайшей схадзки прилапела Рочну програму управяня и ґаздованя з польопривредну жему у державней власносци.
Як новинаром на конференциї потолковал Зоран Семенович, заменїк предсидателя ОР, ресорне министерство уж дало согласносц на спомнуту програму и остава же би конєчне слово дали и одборнїки Скупштини општини Шид на наступней схадзки.
Семенович прецизовал же найпознєйше у юлию будзе отримане явне лицитованє спомнутей жеми за 2019/20. рок же би парасти мали часу порихтац поля.
ОР тиж прилапела и план активносцох коло вибудови водоводу у валалу Люба, так же за средства локална самоуправа будзе конкуровац на конкурсу Покраїнсккого секретарияту за польопривреду, лєсарство и водопривреду АП Войводини у вредносци 20 милиони динари.
ОР будзе питац од Комисиї Влади Сербиї дошлєбодзенє же би ше у Народней библиотеки „Симеон Пищевич“ отворело єдно роботне место, а пре поступанє по пресуди Апелацийного суда по тужби дакедишнєй роботнїци библиотеки.