Прилапени вименки Статуту и Финансийного плану

автор дюв/зам
960 Опатрене

НОВИ САД – Вчера, 17. октобра, отримана друга схадзка Управного одбору (УО) Заводу за културу Войводянских Руснацох (ЗКВР), на хторей розпатрани и прилапени предлоги вименкох и дополнєньох Статуту Заводу, як и дополнєньох Финансийного плану, односно ребаланс буджету ЗКВР за 2016. рок.

До пременки Статуту пришло пре усоглашованє з новим Законом о култури, насампредз у одредзованю процедури за розписованє конкурсу и вибор директора установох у култури, та и нашого Заводу.

По нових законских предписаньох, односно Предлогу вименкох Статуту ЗКВР, на явним конкурсу за директора може участвовац кандидат котри ма закончене високе образованє и найменєй пейц роки роботного искуства.

УО Заводу розписує конкурс за директора, утвердзує лїстину приявених кандидатох и зоз своїм обгрунтованим думаньом ю прешлїдзує сосновательови – Националному совиту (НС) Руснацох на розпатранє, после чого НС предклада кандидата за директора и предлог посила на конєчне розпатранє и одлучованє другому сосновательови – Покраїнскей влади АП Войводини.

З ребалансом Финасийного плану ЗКВР за 2016. рок убудовани и проєкт „Карпатски паралели”, вредни милион 200 000 динари, хтори будзе финансовац Фонд за отворене дружтво. Ґу тому, ураховани и 520 000 динари од НС Руснацох за програмну дїялносц Заводу, а унєшени и други достати средства, як и одредзени трошки, хтори нє були плановани на початку рока.

Обидва предлоги – вименкох и дополнєньох Статуту и ребаланс буджету буду прешлїдзени сосновательом на даванє согласносци.

ПОВЯЗАНИ ТЕКСТИ