ШИД – Совит Месней заєднїци (МЗ) Шид прилапел План роботи у 2016. рок, як и План за запровадзованє явних набавкох.
По словох предсидателя Совиту МЗ др Крсти Куреши, того року буду предлужени роботи на вибудови дражкох и вибудови Колектора за одцеканє атмосферских водох, у часци городу од дакедишнєй фабрики статковей покарми, та ґу населєню „Врачар”.
Плановане и чисценє корита Шидини, як и санированє такволаного мобилияру на просторе за бавенє дзецох, та оправянє очкодованих лавкох у паркох.
Понеже у Месней заєднїци Шид нє вигласани месни самодопринос, спомнути активносци буду финансовани з општинского буджету.