РУСКИ КЕРЕТУР – На сайту „Днї европского културного нашлїдства”, нашла ше и приповедка о Петрови Кузмякови, о Основней школи и Ґимназиї „Петро Кузмяк”, як и о Руснацох. Професорка английского язика Лїляна Фина, хтора занята у керестурскей Школи, пририхтала тоту статю хтора после рецензиї и обявена.
Як професорка визначела на спомнутим сайту, циль приповедкох же би промововала рижни националносци у Европи, и указала як можу коеґзистовац и вредновац єдни других, a тота приповедка лєм єдна велїх зоз мултикултуралного реґиону як цо Войводина, хтора найлєпше указує же будучносц Европи нє у одреканю права на язик, културу и образованє, алє и у промовованю и даваню тих правох людзом шицких националносцох.
Приповедку мож пречитац на английским язику на тим линку.