Пририхтованє за схадзку Националного совиту

автор дюв
1.3k Опатрене

НОВИ САД – Вчера у Заводзе за културу войводянских Руснацох у Новим Садзе отримана єденаста схадзка Вивершного одбору (ВО) Националного совиту (НС), як пририхтованє за идуцу схадзку Совиту, хтора будзе о тидзень, 14. мая у Руским Керестуре (на 11 годзин) у Замку.

ВО  розпатрал шеснац точки, медзи нїма и звити о роботи и финасийох за прешли рок самого НС, як и институцийох хторим є соснователь и снователь – Заводу за културу войводянских Руснацох и Руского народного театру „Петро Ризнич Дядя”.

Як заключене, попри прилапйованя звитох, НС на шлїдуюцей схадзки будзе предложене же би ше предало квартель, а купело хижу у Новим Садзе, же би ше купело комби до Шиду, як и материял за реновиранє хижи у Коцуре, за будуци Дом Руснацох у тим месце.

На схадзки винєшена и информация о нєдавно отриманим Округлим столє о Националней стратеґиї Руснацох.

ПОВЯЗАНИ ТЕКСТИ