НОВИ САД – Гоч на дзепоєдних факултетох у Сербиї пририхтованя коштаю и по 60 000 динари за єдно полроче (семестер), на новосадским универзитету пририхтованя коштаю найвецей 30 000 динари. Пре вельки трошки, матуранти ше найчастейше сами пририхтую за примаци испит.
Пририхтуюца настава ше одвива раз тижньово у ґрупох, а отримую ю професоре на факултетох. Як гваря у тих образовних установох, инвестиция ше виплаци, понеже 90 одсто матурантох котри ходза на пририхтованя преходза на испиту.
На пририхтованя за напрями „архитектура” и „сценска архитектура”, „технїка и дизайн” на Факултету технїчних наукох (ФТН) мож ходзиц на поєдинєчни годзини. Єдна година кошта 3 000 динари, мешачне пририхтованє 9 200, а за за цали семестер 30 000 динари.
На Економским факултету пририхтуюца настава кошта 7 300 динари, з тим же матуранти котри ше приявя за пририхтованя, нє плаца покладанє примацого испиту.
Дзепоєдни факултети нє наплацую пририхтованя, як цо то Природно-математични (ПМФ), Технолоґийни, Будовательни и Польопривредни факултет.