Притримовац ше процивогньових мирох у жатви

автор зам
955 Опатрене

КУЛА – Општински штаб за жатву, з хторим штварток, 16. юния предшедовал предсидатель Општини Кула Перица Видеканїч, бешедовал о превентивних активносцох у тогорочней жатви, а предсидатель Општини принєсол и окремни акти вязаних за охрану од огня под час жатви.

Пре процивогньову защиту, Општински штаб за жатву видал и окремне сообщенє за явносц, у хторим поведзене же строго забранєне палїц огень на отвореним просторе, же на поверхносцох векших од 50, а менших од 100 гектари косидба муши почац з кошеньом поля по штредку (найменєй 15 метери), а сцернянку треба заорац.

Шицки польопривредни машини хтори участвую у жатви, транспорту житаркох и слами муша буц технїчно исправни и мац одвитуюци апарати за гашенє огня, а шицки особи котри управяю з машинами муша буц осбпособени за зоперанє, та гашенє огня у жатви.

У сообщеню наведзени и важни телефони – Општинского огньогасного союзу 063/523-561; Професийней огньогасней єдинки Кула (025)720-093 и Општинского штабу за жатву – (025)761-133.

ПОВЯЗАНИ ТЕКСТИ