БЕОҐРАД – Полнолїтни гражданє котри од держави сцу достац 100 евра буду ше мушиц приявиц.
Прияви буду тирвац од 15. мая по 5. юний. Перша можлївосц за он-лайн прияву будзе прейґ порталу Управи за трезор, а друга можлївосц будзе приява на телефон на числа котри буду благочасово обявени, пише Блиц.
Податки котри буду обoвязни у прияви то мено, презвиско, ЄМЧГ и число рахунку у банки. Виплацованє будзе закончене найпознєйше по 15. юний.
Пензионером и шицким котри доставаю социялну помоц держава автоматски уплаци по 100 евра на рахунки у динарскей проциввредносци, починаюци од 15. мая.