НОВИ САД – Всоботу, 28. новембра, у Културним центре Нови Сад отримани приєм за найлєпших школярох и школярски тими основних и штреднїх школох з Нового Саду, котри достали награди на републичних и медзинародних змаганьох у науки и уметносци у школским 2014/2015. року.
Медзи найлєпшима на єдним билборду и Валентина Колошняї з Руского Керестура, тераз студентка журналистики, а у прешлим школским року матурантка Штреднєй уметнїцкей школи „Боґдан Шупут”, котра за свою роботу освоєла друге место на Републичней смотри.
Александар Саванович зоз Здруженя за промоцию дружтвеней одвичательносци наглашел же проєкт „Учим+Знам=Вредзим” позберал людзох коло єдного цилю -промоциї людских вредносцох и визначел же би так мали випатрац нашо билборди.
На шветочносци бешедовали и представителє Секретарияту за науку и технолоґийни розвой Городу Нови Сад, Културного центра Нови Сад, и Здруженя „Родитель“.