ДЮРДЬОВ – Тирва обнова фасади на парохийним доме грекокатоїцкей церкви у Дюрдьове, хтора нє обнавяна 40 роки.
Парохийни дом ше находзи у дворе парохиї, з єдну часцу и на главней драги, а за обнову дому и мурику Церковни одбор, вєдно з дюрдьовским парохом о. Йоаким Холошняйом, з парохйного буджету одлучел видвоїц средства, хтори и зберани за тоту намену.
Випатрунок фасади зачувани як бул з часу кед дом збудовани, а роботу окончую фаховци з лиценцу за обнавянє старих будинкох.
За парохийни дом поручени и нови облаки, хтори би мали буц положени до конца того тижня, кеди заплановане же шицки роботи буду закончени.