КОЦУР – На Перши дзень Велькей ноци по юлиянским календаре, внєдзелю, 1. мая, у Церковней сали грекокатолїцкей церкви у Коцуре орґанизована традицийна Вельконоцна вистава.
Тема вистави того року були вельконоцни венчики и други предмети хтори направели, лєбо позберали Славица и Цецилия Чельовсково. Виложени були и малюнки з прешлорочней подобовей колониї пошвеценей 250-рочнїци снованя грекокатолїцкей церкви у Коцуре, а исти дзень означени и 75 роки од народзеня о. Якова Новака.
На вистави преглашени и побиднїки Литературного конкурсу „Од Благовищеня по Квитну нєдзелю”, у орґанизациї КПД „ДОК”.
На конкурс сцигли 8 роботи (по штири на руским и сербским язику), а за найлєпши преглашена гаику поезия Миколу Сабо-Дайка на руским и писня „Завит чувствительносци” Александра Деветака, на сербским язику.