РУСКИ КЕРЕСТУР – Медзинародни дзень женох вчера зоз музику означени и у керестурским Доме пензионерох. З нагоди виходзеня свойого нового албума „Метрополис”, Сашо Палєнкаш интерпретовал коло дзешец писнї, з хторих векшина авторски, лєбо су обробки дзепоєдних руских народних шпиванкох.
Композициї виведол на ґитари, з провадзеньом Златка Русковския на кахуну. На програми було вецей як 10 жени, котри уж упознати зоз його музику, а дзепоєдни з нїх аж и знали шпивац.
После наступу у Доме пензионерох було друженє зоз закуску хтору порихтали жени.
