СРИМСКА МИТРОВИЦА – З нагоди 8. марца, Дня женох, школяре котри у Сримскей Митровици з професорку руского язика Монику Абодї виучую руски язик з елементами националней култури вчера, 6. марца, отримали пригодну програму у Основней школи „Йован Попович”. Школяре рецитовали стихи и шпивали писнї мацером, а провадзела их професорка музики Даниєла Горняк. На програми були родичи дзецох, котри им дали вельку потримовку.
На програми присуствовал и парох у Сримскей Митровици о. Владислав Варга, а спред Дружтва за руски язик, литературу и културу з Нового Саду Ирина Папуґа, котра придала подзекованя домашнєй Основней школи и Секциї Дружтва у Сримскей Митровици. На програми представени и найновши виданя Дружтва.
