ШИД – На предлог будовательней инспекциї, началнїк Општинскей управи Шид Ромко Папуґа принєсол Програму попису нєзаконїто збудованих будинкох на подручу општини Шид, з хтору прецизовани поступок и способ попису таких будинкох, а за хтори дотераз нє поднєшени вимоги за леґализованє.
Попис будзе окончовац Будовательна инспекция, а помоцне цело будзе Комисия за пописованє нєзаконїто збудованих будинкох.
Спрам динамики попису по Програми, од януара по май того року буду пописовани будинки на подручу Шиду, у юнию у Вашици, Илинцох и Батровцох, а у юлию у Адашевцох и Моровичу.
У авґусту нєлеґализовани будинки буду пописани у Вишнїчеве и Ямени, у септембру у Ґибарцу, Бачинцох и Куковцох, а у октобру у Люби, Ердевику, Бинґули и Дїпши.
Попис будзе закончени у новембру у Беркасове, Бикичу, Соту, Привиней Глави и Моловину.