Програми Дньох Миколи М. Кочиша

автор мгк
837 Опатрене

НОВИ САД – У полней сали Заводу за културу войводянских Руснацох у Новим Садзе вчера отримана промоция кнїжки Леони Лабош Гайдук „Цеплосц дїлох, перли словох – штверо дїяче у култури зоз Шиду з презвиском Лабош”, у видавательстве Дружтва за руски язик, литературу у културу, а у рамикох 25. Дньох Миколи М. Кочиша.

Присутних з рижних местох у Сербиї и Горватскей привитала Ирина Папуґа и подзековала авторки на тим вредним дїлу. О кнїжки як рецензенти бешедовали Вера Радивойков и Микола М. Цап, котри гварел же рукопис богато илустровани з фотоґрафиями и другим документарним материялом, а окреме значни факт же велї з тих материялох нїґда нє обявйовани.

Бешедуюци о упечаткох, авторка Леона Лабош Гайдук гварела же за свойо 80 роки живота вельо поробела, алє остало ище роботи, та ше наздава же ю предлужа младши, бо ше после писаня тей кнїжки отвераю нови питаня.

О кнїжки и авторковим живоце бешедовали о. др Роман Миз, Мария Юриста зоз Заґребу, мр Гелена Медєши, др Микола Новта пренєсол и поздрави од Мирона Жироша, Дюра Латяк Лабошовей придал подзекованє за єй роботу, а на  концу Ирина Папуґа подзелєла подзекованя заслужним за видаванє тей Лабошовей кнїжки.

SAMSUNG CAMERA PICTURES

Дзень пред тим, 7. децембра, у рамикох Дньох Миколи М. Кочиша наставнїца Ванеса Медєши зоз школярами штреднїх школох котри уча руски язик, у Доме школярох (интернату) „Бранково коло” у Новим Садзе oтримала годзину руского язика пошвецену линґвистичней и литературней творчосци М. М. Кочиша.

ПОВЯЗАНИ ТЕКСТИ