ДЮРДЬОВ – Вчерайшу промоцию двокнїжки поезиї Цецилиї Надь з Керестура „Чаривни нїтки” и Михаила Рамача з Дюрдьова „З молу до дуру”, котра отримана у просторийох КУД „Тарас Шевченко” у Дюрдьове, нащивело досц публики.
О тей, 18. кнїжки МАК-овей едициї, бешедовала Мая Зазуляк, редакторка часопису МАК, док Мирон Джуня, рецензент Михаиловей кнїжки котри бул у публики, виражел свойо думанє о його способе виражованя и писаня, закончуюци зоз словами же му мило же єст активних писательох медзи младима котри пишу на таки способ.
На промоциї госцинска була Санї Полдруги котра одшпиала даскельо авторски и други писнї хтори ше находза на ЦД-у видатим концом прешлого року тиж як додаток у МАК-у.
Под час промоциї авторе пречитали по даскельо свойо писнї, а Михаил даскельо и одшпивал док ґрал на ґитари.