Промоция кнїжки о. др Роман Миза у Беоґрадзе

автор мгк
1.1k Опатрене

БЕОҐРАД – У Институту за студиї култури и християнства у Беоґрадзе 20. септембра, у присустве автора, отримана трибина о кнїжки о. др Романа Миза „Християнство – драги и побочни драги – Лексикон церковних и вирских заєднїцох, шлїдби и єреси”.

Трибину орґанизовали Институт за студиї култури и християнства, Институт за гуманистику и социялни виглєдованя и „Стратеґия арт”, а бешедовали православни теолоґ др Димитриє Калезич, католїцки теолоґ фра др Венедикт Вуїца, священїк Словацкей євангелистичней церкви мр Иґор Фелди, редакторка виданя Марияна Айзенкол и филозоф проф др. Александар Прнята.

Модератор трибини социолоґ Слободан Васич на початку гварел же кнїжка перше виданє такого типу у нас, з 1 800 одреднїцами, цо импозантне, а редакторка Айзенкол визначела же о. Миз вше глєда нови способи приблїжованя Бога ґу людзом и же важне мац тоту кнїжку у власней библиотеки, бо у нєй нєт пристрасносци.

О. Калезич наглашел же му як теолоґови и филолоґови тото дїло барз интересантне, бо у нїм мож спатрац коренї одредзених зявеньох и менєй познати одреднїци, док фра Венедикт гварел же то барз хасновита кнїжка, окреме виглєдовачом, теолоґом и историчаром.

По словох мр Фелдия, автор нє лєм же пише о екуменизме, алє го и жиє, витворююци свою специфичну християнску мисию, а др Прнята акцентовал важносц порозуменя и пестованя толеранциї и любови. У мено видавателя „Мост Арт” зоз Земуну, Драґан Стоїч констатовал же о. Миз поробел роботу на хторей анґажовани тими робя вецей роки.

На концу стретнуца о. др Роман Миз заключел же тоту кнїжку написал пре прихильносц ґу енциклопедийному способу писаня и ґу екуменизму и наглашел же му екуменизем императив живота.

5-Miz-02

ПОВЯЗАНИ ТЕКСТИ