РУСКИ КЕРЕСТУР – Вчера, 18. новембра вечар, у Руским Керестуре, на єй перши дзень, отримана централна програма тогорочней Културней манифестациї „Костельникова єшень“ (КМ КЄ), на хторей ше нашо писателє стретли з публику и представели им нову творчосц и кнїжки хтори того року видала Новинско-видавательна установа (НВУ) „Руске слово“.
Модератор вечара бул Микола Шанта, редактор видавательней дїялносци у НВУ „Руске слово“ и предсидатель Орґанизацийного одбору КМ КЄ, а акцент бул на промоциї даскелїх кнїжкох, ак же окреме представене дїло „Славянски язик – родзенє и живот мертвого язика“ др Любомира Белея, о хторим бешедовал Микола Цап, та кнїжка поезиї „Безсони ланцущок“ Славици Шовш, а о кнїжки бешедовала єдна з рецензентох др Валентина Чизмар.
Ваня Дула представел кнїжку „Капка ми ружа до ока“ покойного поету з Руского Керестура Звонимира Нярадия, як позберану часц з його числених рукописох, а Ирина Гарди Ковачевич коментаровала творчосц Миколи Шанту, хтору вон обявел у своєй найновшей кнїжки „Шантовки“.
У музичней часци Танита Ходак одшпивала вецей свойо, та забавни композициї Златка Русковския и Сашу Палєнкаша, котри ю провадзел на ґитари, а вчерайшу централну програму у Ресторанє „Червена ружа” провадзела числена публика рижних ґенерацийох.